ᐅᓇ ᓄᓇᓕᐸᐅᔭᒃᑯᓐᓄᑦ ᐸᕐᓇᐃᔨ ᐱᓕᕆᓲᖅ ᐃᖅᑲᓇᐃᔮᖓᒍᑦ ᑐᑭᒧᐊᒃᑎᑦᑎᓪᓗᓂ ᓄᓇᓕᖕᓂᒃ ᐱᕈᖅᐸᓪᓕᐊᑎᐊᕐᓂᐊᕐᒪᑕ, ᓄᓇᐃᑦ ᐊᑐᖅᑕᐅᓂᐊᖅᑐᑦ ᐸᕐᓇᐃᓪᓗᓂ, ᐊᒻᒪᓗ ᐱᕙᓪᓕᐊᑎᑦᑎᓪᓗᓂ ᓇᑉᐸᕆᐊᖃᖅᑐᓂᒃ ᐃᓗᐊᓂ ᓄᓇᓕᖅᐸᐅᔭᖅ ᐃᖃᓗᐃᑦ. ᐅᓂᒃᑳᖃᑦᑕᕐᓗᓂ ᑐᑭᒧᐊᒃᑎᖓᓐᓄᑦ ᐸᕐᓇᐃᓂᖅ ᐊᒻᒪᓗ ᐱᕙᓪᓕᐊᑎᑦᑎᓂᖅ ᐊᐅᓚᑦᓯᕕᖓ, ᐅᓇ ᐃᖅᑲᓇᐃᔮᒃᓴᖅ ᐃᑲᔪᕐᓂᐊᖅᑐᖅ ᕿᒥᕐᕈᐊᖃᑦᑕᕐᓗᓂ ᐊᒻᒪᓗ ᑎᑎᕋᓕᕆᓗᓂ ᐸᕐᓇᐃᔾᔪᑎᒃᓴᓄᑦ, ᖃᐅᔨᓴᕐᓗᓂ ᐊᒻᒪᓗ ᐊᑐᐊᒐᐃᑦ ᖃᐅᔨᓇᓱᑦᑎᐊᕐᓗᒋᑦ, ᐱᓕᕆᖃᑎᒋᓗᒋᑦ ᐃᓄᐃᑦ ᐊᒻᒪᓗ ᑎᒍᒥᐊᖅᑎᑦ, ᐊᒻᒪᓗ ᐃᑲᔪᕐᓗᓂ ᐱᕙᓕᐊᑦᑎᐊᕐᒪᖔᑕ ᒪᓕᑦᑎᐊᕐᓗᑎᒃ ᓄᓇᓖᑦ ᐸᕐᓇᐅᑎᖏᓐᓄᑦ, ᒪᓕᒐᕋᓛᖏᓐᓄᑦ, ᐊᒻᒪᓗ ᓄᓇᓕᖕᓂ ᓯᕗᓪᓕᐅᑎᒋᐊᓕᖕᓄᑦ. ᐅᓇ ᖁᕕᐊᓇᖅᑐᖅ ᐱᕕᖃᖅᑎᑦᑎᔪᖅ ᐸᕐᓇᐃᓪᓗᓂ ᖃᐅᔨᒪᔨᒻᒪᕆᐅᓗᓂ ᖁᕕᐊᒋᔭᖃᕐᓗᓂ ᐱᕙᓪᓕᐊᑎᑦᑎᓂᕐᒧᑦ, ᓄᓇᓕᖕᓂ ᐱᓕᕆᖃᑎᖃᕐᓂᕐᒧᑦ, ᐊᒻᒪᓗ ᐋᕿᒃᓱᐃᓂᖅ ᓯᕗᓂᒃᓴᖓᓂᒃ ᐱᕈᖅᐸᓪᓕᐊᔪᑦ ᐅᑭᐅᖅᑕᖅᑐᒥ ᓄᓇᓖᑦ.
ᐊᑭᓕᖅᑕᐅᔾᔪᑎᓄᑦ ᖃᓄᐃᓕᖓᓂ:
ᐃᑲᕐᕋᒧᑦ ᐊᑭᓕᕐᓲᑎ: $51.71 ᐊᑕᐅᓯᖅ ᐃᑲᕋᖅ
ᐃᑲᕐᕋᐃᑦ ᐃᖅᑲᓇᐃᔭᕐᓇᐃᑦ: 40 ᐃᑲᕐᕋᓕᐅᑉᐸᓪᓗᓂ ᐱᓇᓱᐊᕈᓯᒻᒥ
ᖃᓄᐃᓐᓂᖓ: ᖃᐅᑕᒫᑦ ᐃᖅᑲᓇᐃᔭᕐᓂᖅ ᐃᖅᑲᓇᐃᔭᖏᓐᓇᕐᓂᖅ
ᑲᑐᔾᔨᖃᑎᒋᑦ ᖃᓄᐃᓕᖓᓂᖏᑦ: ᑲᑐᔾᔨᖃᑎᒌᑦ
ᑲᒪᒋᔭᒃᓴᓪᓗᐊᖅᑕᐃᑦ
ᕿᒥᕐᕈᐊᖃᑦᑕᕐᓗᓂ ᐊᒻᒪᓗ ᑎᑎᕋᓕᕆᓗᓂ ᐱᕙᓪᓕᐊᑎᑦᑎᔪᒪᔪᓄᑦ ᐱᔪᓐᓇᐅᑎᒃᓴᖏᓐᓂᒃ, ᓇᓕᖃᕇᑦᑎᐊᕐᒪᖔᑕ ᖃᐅᔨᓴᕐᓗᒋᑦ, ᐊᑖᒍᑦ ᐱᕙᓪᓕᐊᑎᑦᑎᕕᐅᔪᑦ, ᑭᒡᓕᓕᐊᓄᑦ ᒪᓕᒐᕋᓛᑦ ᐊᕿᒋᐊᖃᑦᑕᕐᓗᒋᑦ, ᓇᖕᒥᓂᖁᑎᖃᖅᑐᓄᑦ ᓇᐃᓴᓯᓄᑦ ᐱᓇᔪᒍᑎᑦ, ᐊᒻᒪᓗ ᐊᓯᖏᑦ ᐸᕐᓇᐃᓂᕐᒧᑦ ᐱᓯᒪᔪᑦ ᑐᓂᔭᐅᓯᒪᔪᑦ.
ᐱᓕᕆᖃᑦᑕᕐᓗᒋᑦ ᐸᕐᓇᐃᔾᔪᑎᒃᓴᓄᑦ ᖃᐅᔨᓴᕈᑎᑦ, ᖃᐅᔨᓇᓱᑦᑎᐊᕈᑎᑦ, ᐊᒻᒪᓗ ᐊᑐᐊᒐᕐᓂᒃ ᐱᕙᓪᓕᐊᑎᑦᑎᓂᖅ ᐃᑲᔪᖅᑐᑦ ᓄᓇᓕᖅᐸᐅᔭᐃᑦ ᓄᓇᖏᓐᓂᒃ ᐊᑐᖅᑕᐅᓂᐊᖅᑐᓂᒃ ᐸᕐᓇᐃᓂᖅ ᐊᒻᒪᓗ ᓄᓇᓕᖕᓂ ᐱᕈᖅᐸᓪᓕᐊᔪᓄᑦ ᐃᖏᕐᕋᓯᑎᑕᐅᓯᒪᔪᓄᑦ.
ᑎᑎᕋᕐᓗᒋᑦ ᐅᓂᑳᑦ, ᐊᑐᓕᖁᔭᐅᔪᑦ, ᒪᓕᒐᕋᓛᑦ, ᐱᔪᓐᓇᐅᑎᑦ, ᑐᓴᒐᒃᓴᑦ, ᓄᓇᙳᐊᑦ, ᐊᒻᒪᓗ ᐅᖃᐅᓯᒃᓴᑦ ᑲᑎᒪᔨᓄᑦ, ᑲᑎᒪᔨᕋᓛᓄᑦ, ᐊᒻᒪᓗ ᐃᓄᓕᒫᓂᒃ ᑲᑎᒪᔪᓄᑦ.
ᑲᒪᒋᓗᒋᑦ ᐃᓄᓕᒫᓂᒃ ᑐᑭᓯᓇᓱᖃᑎᒌᖕᓂᕐᒧᑦ ᐱᓕᕆᐊᖑᔪᑦ, ᐃᓕᓐᓂᐊᖅᑎᑦᑎᓂᖅ ᑲᑎᒪᔪᓂ, ᐊᒻᒪᓗ ᓄᓇᓕᖕᓂ ᖃᓄᐃᓕᐅᕈᑕᐅᔪᑦ ᐱᓕᕆᑎᑦᑎᔾᔪᑕᐅᔪᑦ ᐱᓯᒪᓂᖃᖅᑎᓪᓗᒋᑦ ᓄᓇᖓᓂᒃ ᐸᕐᓇᐃᓂᖅ ᐊᒻᒪᓗ ᐱᕙᓪᓕᐊᑎᑦᑎᓂᕐᒧᑦ ᓇᑉᐸᖅᓯᕙᓪᓕᐊᓂᕐᒧᑦ ᐱᔾᔪᑕᐅᔪᓂᒃ.
ᐅᐸᒡᓗᒋᑦ ᖃᐅᔨᓴᕆᐊᖅᐸᒃᓗᒋᑦ, ᓴᓇᔭᕆᐊᓕᑦ ᐱᕙᓪᓕᐊᔭᐅᔪᑦ ᑎᑎᕋᖅᓯᒪᑦᑎᐊᕐᓗᒋᑦ ᐊᒻᒪᓗ ᓈᓴᖅᓯᒪᒋᐊᓕᑦ, ᐊᒻᒪᓗ ᖃᐅᔨᒪᔨᒻᒪᕆᐅᓂᕐᓄᑦ ᑐᑭᒧᐊᒃᑎᑦᑎᓗᑎᑦ ᐱᓇᔪᒃᑐᓂᒃ, ᓄᓇᖃᖅᑐᓂᒃ, ᐊᒻᒪᓗ ᑎᒍᒥᐊᖅᑎᓂᒃ.
ᐊᐅᓚᑦᑎᔨᐅᓗᑎᑦ ᑐᑭᓯᒋᐊᕐᑎᑎᔪᓐᓇᖅᑐᓄᑦ, ᐊᐅᓚᓪᓗᒋᑦ ᑎᑎᕋᖃᑦᑕᕐᓗᒋᑦ ᐱᔨᑦᑎᕋᐅᑎᓄᑦ ᑳᓐᑐᕌᑦ, ᐊᒻᒪᓗ ᑐᑭᓯᓇᓱᖃᑎᒋᓗᒋᑦ ᐅᕙᑦᑎᒍᑦ ᐊᐅᓚᑦᓯᔨᑦ ᐃᑲᔪᖅᑐᑦ ᐊᑐᓕᖅᑕᐅᑎᑦᑎᕙᓪᓕᐊᓂᕐᒧᑦ ᑕᒪᐃᓐᓂᒃ ᐸᕐᓇᐅᑎᒥᒃ ᐊᒻᒪᓗ ᑭᒡᓕᓕᕆᓂᖅ ᓄᓇᒥᒃ ᒪᓕᒐᕋᓛᑦ.
ᐱᓕᕆᒍᓐᓇᐅᑏᑦ
ᐃᓕᓐᓂᐊᕐᕕᒃᔪᐊᒥ ᐃᓱᓕᑦᑎᓯᒪᓗᑎᒃ ᓄᓇᓕᖅᐸᐅᔭᓄᑦ ᐊᒻᒪᓗ ᐊᕕᒃᑐᖅᓯᒪᔪᑎᒍᑦ ᐸᕐᓇᐃᓂᖅ ᐅᕝᕙᓘᓐᓃᑦ ᑕᒪᒃᑯᓄᖓ ᐱᓯᒪᔪᓂᒃ. ᐃᓚᒋᔭᐅᓗᑎᑦ ᑲᓇᑕᒥ ᑎᒥᖁᑎᒋᔭᐅᔪᑦ ᐸᕐᓇᐃᔨᓄᑦ (CIP) ᐊᒻᒪᓗ/ᐅᕝᕙᓘᓐᓃᑦ APPI, ᐅᕝᕙᓘᓐᓃᑦ ᐃᓚᒋᔭᐅᓕᕈᓐᓇᕐᓗᑎᒃ, ᑕᐃᒪᓐᓇᐅᒍᓂ ᓈᒻᒪᒋᔭᐅᓂᖅᓴᐅᒐᔭᖅᐳᖅ.
ᐊᑦᑎᓛᖅ ᑕᓪᓕᒪᑦ (5) ᐊᕐᕌᒍᓄᑦ ᐱᕙᓪᓕᐊᖑᔭᖅᓯᒪᓗᑎᑦ ᐱᓕᕆᔪᓐᓇᑦᑎᐊᕐᓕᕐᓗᒋᑦ ᐸᕐᓇᐃᓂᖅ, ᓄᓇᐃᑦ ᐊᑐᖅᑕᐅᓂᖏᑦ, ᐱᕙᓪᓕᐊᑎᑦᑎᓂᕐᒥ ᕿᒥᕐᕈᐊᕈᓐᓇᕐᓂᖅ, ᐅᕝᕙᓘᓐᓃᑦ ᑕᒪᒃᑯᓂᖓ ᐱᓕᕆᔪᓂᒃ ᐱᓕᕆᓯᒪᓗᑎᑦ.
ᖃᐅᔨᒪᑦᑎᐊᕐᓗᒋᑦ ᓄᓇᓕᖅᐸᐅᔭᐃᑦ ᐸᕐᓇᐃᓂᕐᒧᑦ ᑐᙵᔾᔪᑎᖏᑦ, ᓄᓇᐃᑦ ᐊᑐᖅᑕᐅᓂᖏᓐᓄᑦ ᐱᖁᔭᕋᓛᑦ, ᐊᑐᐊᒐᖅ ᐱᕙᓪᓕᐊᑎᑦᑎᓂᕐᒧᑦ, ᐊᒻᒪᓗ ᓄᓇᓕᖕ ᐱᓕᕆᖃᑎᒌᒍᓯᑦ.
ᐊᑐᖃᑦᑕᖅᓯᒪᓗᑎᑦ GIS, AutoCAD, Microsoft Office, ᐊᒻᒪᓗ ᐊᓯᖏᑦ ᐸᕐᓇᐃᔾᔪᑎᑦ ᐱᓯᒪᔪᑦ ᖃᕆᓴᐅᔭᒃᑯᑦ ᐊᑐᖅᑕᐅᓲᑦ.
ᑐᑭᓯᓗᒋᑦ ᑎᐊᓕᑐᐊᓕᔅ ᒪᓕᒐᖏᑦ, ᓄᓇᕗᑉ ᓄᓇᖏᑦᑕ ᓇᖕᒥᓂᖃᕈᓯᖓᑦ, ᓄᓇᕗᒻᒥ ᓄᓇᑖᕈᑎᑦ ᐊᖏᕈᑎᑦ, ᐊᒻᒪᓗ ᐅᑭᐅᖅᑕᖅᑐᒥ ᐸᕐᓇᐃᓂᕐᒥ ᐱᔾᔪᑕᐅᓲᑦ ᐃᓱᒪᒋᑦᑎᐊᕆᐊᓕᑦ ᑕᒪᒃᑯᐊ ᐊᖏᔪᒥᒃ ᐊᑑᑎᖃᕐᓂᐊᖅᑐᑦ ᐃᓕᖕᓄᑦ.
ᑎᑎᕋᕈᓐᓇᑦᑎᐊᕐᓗᑎᑦ ᐊᒻᒪᓗ ᐅᖃᓪᓚᒍᓐᓇᑦᑎᐊᕐᓗᑎᑦ, ᐳᖅᑐᓂᓕᒃ 5 ᐊᖁᑦᑐᓐᓇᐅᑎᖃᕐᓗᑎᑦ, ᐊᒻᒪᓗ ᐋᕿᒃᓱᐃᔪᓐᓇᕐᓗᑎᑦ ᐊᑑᑎᖃᑦᑎᐊᖅᑐᒥᒃ ᐃᓚᒌᒍᓯᖃᕐᓂᖅ ᐃᓄᓕᒫᓂᒃ, ᖃᐅᔨᒪᔨᒋᔭᐅᔪᓂᒃ, ᐊᒻᒪᓗ ᒐᕙᒪᒃᑯᓂ ᑎᒍᒥᐊᖅᑎᓂᒃ. ᓄᓇᖅᑲᖅᑳᖅᓯᒪᔪᑎᑐᑦ ᐅᖃᓪᓚᒍᓐᓇᕈᕕᑦ ᑎᑎᕋᕈᓐᓇᕐᓗᑎᓪᓗ ᐃᑲᔫᑎᔪᖅ.
ᐆᑦᑐᕋᓱᐊᕆᑦ ᐅᓪᓗᒥ
ᐅᓇ ᓄᓇᓕᖅᐸᐅᔭᐃᑦ ᐃᖃᓗᐃᑦ ᑐᓂᓯᓯᒪᓲᖅ ᐱᕕᖃᖅᑎᑦᑎᔾᔪᑎᒃᓴᓂᒃ ᑐᑭᖃᖅᑐᓂᒃ ᐊᒃᑐᐃᓂᐊᖅᑐᑦ ᐊᔪᖏᑦᑎᐊᖅᑐᑦ ᐊᒻᒪᓗ ᐱᕈᖅᐸᓪᓕᐊᑦᑎᐊᖅᑐᑦ ᐅᑭᐅᖅᑕᖅᑐᒥ ᓄᓇᓕᖕᓂ ᓴᓇᓗᑎᒃ ᐊᔾᔨᒌᓐᖏᑑᑏᑦ ᐊᑕᔪᑦ ᐸᕐᓇᐃᓂᕐᒥ ᐊᒻᒪᓗ ᐱᕙᓪᓕᐊᑎᑦᑎᓂᕐᒥ ᐃᖏᕐᕋᓯᑎᑕᐅᓯᒪᔪᓂᒃ.
ᑐᙵᓱᒃᑎᑦᑎᕗᒍᑦ ᐱᓇᔪᒍᓐᓇᖅᑐᓂᒃ ᐊᔪᖏᑦᑎᐊᖅᑐᓂᒃ ᐊᖏᖅᓯᒪᑦᑎᐊᖅᑐᓂᒃ ᐃᑲᔪᖅᑎᒌᒡᓗᓂ ᐸᕐᓇᐃᓂᖅ, ᐃᓄᓕᒫᓂᒃ ᐱᔨᑦᑎᕋᕐᓂᖅ, ᐊᒻᒪᓗ ᓄᓇᓕᖕᓂᒃ ᐱᕙᓪᓕᐊᑎᑦᑎᓂᖅ. ᐱᓇᔪᒃᑐᑦ ᐃᓕᓐᓂᐊᖅᓯᒪᔪᑦ ᐊᒻᒪᓗ ᐱᓕᕆᓯᒪᔪᑦ ᐊᑑᑎᖃᖅᑐᒥᒃ ᑕᒪᑐᒧᖓ ᖃᐅᔨᒪᑦᑎᐊᖅᑐᓪᓗ ᐊᒻᒪᓗ ᓴᓇᓕᕆᔪᓐᓇᑦᑎᐊᖅᑐᑦ ᐃᓱᒪᒋᔭᐅᑦᑎᐊᕐᓂᐊᖅᑐᑦ.
ᒪᓕᓪᓗᒍ ᐊᑐᐊᒐᖅ 23 ᓄᓇᕗᑖᕐᓂᕐᒧᑦ ᐊᖏᕈᑎᓄᑦ, ᓯᕗᓪᓕᐅᑎᑕᐅᓂᐊᖅᑐᑦ ᓄᓇᕗᑖᖅᓯᒪᔪᓄᑦ ᐱᔪᓐᓇᐅᑎᖃᖅᑐᓄᑦ.
#J-18808-Ljbffr
ᓄᓇᓕᐸᐅᔭᒃᑯᓐᓄᑦ ᐸᕐᓇᐃᔨ in Iqaluit employer: City of Iqaluit
The City of Iqaluit is an exceptional employer, offering a unique opportunity to lead essential municipal operations in a vibrant northern community. With a commitment to employee growth and a supportive work culture, the City provides competitive compensation, including a generous settlement allowance, and fosters a collaborative environment where your leadership can make a meaningful impact on public service delivery. Join us in ensuring the safety and efficiency of vital services while enjoying the rich cultural heritage and stunning landscapes of Iqaluit.
